Documentation - Pontifical bulls, Davao Archdiocese & Most Rev. Antonio Mabutas
Media
Part of Boletin Eclesiastico de Filipinas
- Title
- Documentation - Pontifical bulls, Davao Archdiocese & Most Rev. Antonio Mabutas
- Language
- English
- Rights
-
- Fulltext
- DOCUMENTATION PONTIFICAL BULLS Davao Archdiocese PAULUS EPISCOPUS SERVUS SERVORUM DEI ad perpetuam rei memoriam. Sanctae Ecclesiae utilitatibus quo magis in dies prospiciamus, ea proposita accipienda censemus, coepta ineunda, quae adhunc finem aptius conducant. Sententiae ideo venerabilis fratris Carmeli Rocco accedi posse existimarimus. Archiepiscopi titulo Justinianopolitani in Galatia et in Insulis Philippinis Apostolici Nuntii, qui, post auditum coetum Epjscoporum Insuiarum Philippinarum atque locorum Ordinarios quorum negotium interesset, ab Apostolica Sede petiit ut, parti to territorio provinciae ecclesiasticae Cagayanae, nova ibi locorum provincia excitaretur. Quae cum ita sint, de consilio venerabilium fratrum Nostrorum S.R.E. Cardenalium, qui Sacrae Congregationi pro Episcopis praesunt, ea quae sequuntur decernimus ac iubemus. A metropolitano iure archiepiscopalis Sedes Cagayanae diocesim Davaensim seiungimus, itemque praelaturas Cotabatensem, Marbelianam et Tagumnam, iisque provinciam ecclesiasticam Davaensem constituimus, quae Sede Davaensi ipsa tarn quam metropolitana constabit, atque praelaturis Cotabatensi Marbeliana et Tagumna tamquam suffraganeis Ecclesiis, datis iuribus et privilegiis congruis. Decernimus praeterea ut venerabilis frater Clodoveus Thibault, adhuc Episcopus Davaensis, fiat Archiepiscopus Metropolita eius Sedis, cum facultate crucem et pallium deferendi, postquam tamen hoc in Consistorio rite postulatum et impetratum fuerit; atque Praelati Sedium, quas diximus, eius fiant suffraganei, ad normam iuris com munis. Haec quae praescripsimus ut ad effectum adducat curet venerabilis frater Carmelus Rocco, quam diximus, vel ab eo dele gatus sacerdos. Qui vero negotium perfecerit congrua documenta exaret ad Sacramque Congregationem pro Episcopis de more quam primum mittat. Hanc vero Constitutionem nunc et in posterum efficacem esse et fore volumus; ita quidem ut quae per earn decreta sunt ab iis quorum res est religiose servaentur, atque igitur vim suam obtineant, Cuius Constitutionis efficacitati nulla, cuiusvis gene ris, contraria praescripta officere poterunt, cum per earn iisdem derogemus omnibus. Nemini praeterea haec coluntatis Nostrae documenta vel scindere vel corrumpere liceat; quin immo huius Constitutionis PONTIFICAL BULLS 687 exemplis et locis, sive typis impressis sive manu exaratis, quae sigillum viri praeferant in ecclesiastica dignitate constituti simulque ab aliquo publico tabellione sint subscripts, eadem omnino habenda erit tides, quae huic haberetur, si ostenderetur. Datum Romae, apud S. Petrum, die undevicesimo mensis iunii, anno Domini millesimo nongentesimo septuagesimo, Pontificatus Nostri octavo. — IT. — Aloisuis Card. Traglia S.R.E. Cancellanus Franciscus Tinello Apostolicam Cancellariam Regens Expedita die XXV Aug. anno Pontif. VIII Carolus Card. Confalonieri S. Congr. pro Episcopis Praefectus Joannes Calleri, Proton, Apost. Gaspar Canvagalli, Proton. Apost. In canc. Ap. Tab. Vol. CXXXVI N. 46 688 BOLETIN ECLESIASTICO DE FILIPINAS Most Rev. Antonio Mabutas, D.D. PAULUS EPISCOPUS SERVUS SERVORUM DEI vencrabili fratri Antonio Mabutas et Lloren, adhuc Episcopo Laoagensi, electo Archiepiscopo titulo Valariensi atque Coadiuton cum jure successionis sacri Praesulis Davaensis, salutem at apostolicam benedictionem. Petentibus interdum sacris Ecclesiarum Praesulibus ut sibi coadiutores Episcopi subsidio submittantur, qui sibi etiam in regimen succedant, cum suae dioeceses legitime vacent, aequissime haec sancta atque Romana Ecclesia concedit, quae Christi munere universam christianorum familiam administrat: ex qua sane re commodum duplex sperat, sive videlicet fore ut ipsorum Antistitum necessitatibus subveniat, cotidie gliscentibus, sive ut nulla in regiminis successione aut mora aut damnum timeatur. Quam ob rem, cum venerabilis frater Clodoveus Thibault, Archiepiscopus Davaensis, hac ipsa sit condicione, Te censuimus, venerabilis frater, bene eidem assignari posse, qui cum ingenio turn rerum usu, turn etiam pietate atque religione antecedis, atque spem certam facis Te magno cum animarum fructu coadiutoris munus gerere posse. Quae cum ita sint, vinculo solventes prioris Sedis Laoagensis, quo destinererja, Te ad Sedem titulo Valariensem transferimus, quam censemus eousque archiepiscopalis ordinis haberi, quousque Tu eius titulum obtinebis: item Coadiutorum cum iure successionis nominamus eius, quern dixim&s. Ad ius iurandum quod attinet atque fidei professionem faciendam, ab his Te eximimus, contrariis nihil obstantibus. Occasioriem capientes, clerum atque populum archidioecesis Davaensis,qui olim tui erunt, paterae hortamur ut non solum Te magna dilectione excipiant, verum etiam Tibi pareant, sive nunc Coadiutori sacri Praesulis tui, sive in posterum, cum nempe in regimen legitime successoris. Eidem clero populoque erunt etiam hae Litterae Nostrae perlegendae, die festo de praecepto in cathedrali templo, post eas acceptas primo. Ceterum, venerabilis frater, Deo optimo maximo, cui parent omnia, vota facimus ut qui Te, patris quasiritu, ampliore induit dignitate, Te paribus quo que donis accumulet. Laboranti autem Tibi assit beatissima Virgo Maria, rosa Candida, apostolorum mater ac regina. Datum ex Arce Ganfulfi. prope Romam, die quinto et vicesimo mensis iulii, anno Domini millesimo nongentesimo septuagesimo, Pontificatus Nostri octavo. — IT. — Aloisius Card. Traglia S.R.E. Cancellarius Franciscus Tinello Apostolicam Cancellariam Regens Expedita die XXV Aug. anno Pontif. VIII Joannes Calleri, Proton. Apost. Gaspar Canvagalli, Proton. Apost. In Cane. Ap. tab. Vol. CXXXVI N. 47