Appointment: Archbishop Jaime Sin
Media
Part of Boletin Eclesiastico de Filipinas
- Title
- Appointment: Archbishop Jaime Sin
- Language
- Spanish
- Year
- 1972
- Rights
-
- Fulltext
- PAULUS EPISCOPUS SERVUS SERVORUM DEI venerabili frati Jacobo L. Sin, hactenus Episcopo titulo Obbensi, ad Sedem titulo Masaalubrensem proinoto eidemque renuntiato coaddiutori cum iure successionis Archiepiscopi Jarensis, salutem et apostolicam benedictionem. Gravissimum Dei voluntate sustinentes onus rei universae catholicae tuendae hominumque in sancta religione servandorum, nihil prorsus omittimus quod ad id bonum conducat, Ecclesiarum Praesulibus Coadiutores dantes, qui non solum optato subsidio sint, sed in eorum etiam locum, sede vacante, sufficiantur, utili regiminis perpetuitate servanda. Quam ob rem cum venerabilis frater Josephus Maria Cuenco, Archiepiscopus Jarensis, ea sit condicione ut valido auxilio egeat, Te censuimus bene eidem assignari posse qui eximi praestas ingenio et rerum pastoralium usum iam ample consecutus es. De sententia ideo venerabilis fratris Nostri S. R. E. Cardinalis Sacrae Congregations pro Episcopis Praefecti deque Nostra suprema potestate, Te, a priore Sede Obbensi liberatum, simul eligimus Archiepiscopum Sedis titulo Massalubrensis, pro hac vice Archiepiscopalis, vacantis post abdicationem venerabilis fratis Pauli Aijiro Yamaguchi, simulque nominamus Coadiutorem cum iure successionis sacri Praesulis — quem diximus, una cum muneribus et iuribus huius officii propriis ad normam Apostolicarum Litterarum “Ecclesiae Sanetae”, Motu proprio die VI mensis augusti anno MCMLXVI datarum. Te quidem ab iteranda fidei professione eadem Nostra auctoritate solvimus; ius vero iurandum fidelitatis, teste aliquu Episcopo, sincera obstriclo huius Romanae Sedi caritate, dabis, iuxta formulam quam de more signatam sigilloque impressam ad Sacram Congregationem pro Episcopis cito mines. Mandamus praeterea ut hae I.itterae Nostrae publice in cathedrali templo Jarensi, die festo de praecepto recurrente, clero populoque perlegantur, quos quidem hortamur ut pro tua auctoritate Tibi pareant tuisque faveant inceptis. Ceterum, venerabilis frater, inixe hortamur ut sacram Antistitem, cui mitteres fidelitcr adiuves, populumque universum, cuius in posterum eris pastor, ad sanditatem vitae et supernarum rerum ainorem alacriter trahas. Datum Romae, apud S. Petrum, die quintodecimo mensis Januarii, anno Domini Millesimo nongentesimo septuagesimo secundo, Pontificatus Nostri nono. ALOISIUS CARD. TRAGALIA S.R.E. Cancellarius FRANCISCUS TINELI.O JOSEPHUS DEL TON, Proton, Apost. Apostolicam Cancellariam EUGENICS LEVI, Proton, Apost. Regens Expedita die 11 febr. a. Pontif. IX M. Orsini Plumbator In Cane. Ap. tab. vol. CXL n. G3