Appointment: Archbishop Federic Limon
Media
Part of Boletin Eclesiastico de Filipinas
- Title
- Appointment: Archbishop Federic Limon
- Language
- Spanish
- Year
- 1972
- Rights
-
- Fulltext
- PAULUS EPISCOPUS SERVUS SERVORUM DEI dilecto filio Friderico Limon, e Societate Verbi Divini, electo Archiepiscopo titulo Aquavivensi atque Coaddiutori cum iure successionis sacri Praesulis Lingayensis-Dagupanensis, salutem et apostolicam benedictionem. lllius Christi studiosissimi: “Pasce agnos meos. .. pasce oves meas” — Io. 21, 15-17—; itemque beati Petri, apostolorum principis: “pascite qui in vobis est gregem Dei” — 1 Pet. 5, 2 —, quantum possumus maxime id omni cura atque diligentia complectimur, ut singulis Ecclesiis aptos provideamus pastorcs; qui fuerint vivae virtutis imago, fieri non potst, quin et populi non eorum vestigia persequantur. Quam ob rem, cum venerabili fratri Mariano Madriaga, Archiepiscopo Lingayensi-Dagupanensi Coadiutorem iustis de causis dare oporteret, bene fieri censuimus si Te, dilecte fili, ad tale munus destinaremus, quem sive ingenii laures ornant, sive pietas sincera distinguit atque usus rerum haud minimus, regendo populo Dei perutilis. Quae cum ita sint, Te simul Archiepiscopum nominamus et renuntiamus Sedis titulo Aqnavivensis, quam sane pro hac vice, ut dicunt, in archicpiscopalium redigimus, eiusdemque vacantis per successioncm venerabilis fratris Vincentii Faustini Zazpe ad metropolitam Sedem S. Fidei in Argentina, sive Coaddiutorem cum iure successionis sacri eius Praesulis cuius mentionem fecimus, cum iuribus et oneribus, quae per apostolicas Litteras “Ecclesiae- Sanctae”, die sexto mensis augusti datas, anno MDCCCCLXVI, describuntur. Antequam autem episcopalem consecrationem accipias, a Nobis Ipsis in Pctriana Basilica Romae peragendam, tuum erit sive fidei professionem faccre, teste venerabili fratre Nostro S. R. E. Cardinali Cancellario, sive ius iurandum fidelitatis erga Nos et Successores Nostros dare, teste S. R. E. Cardinali Protodiacono, iuxta probatas formulas. Oblatam autem occasionem non omittimus clerum atque populum tuae dicionis hortandi, ut sive nunc Coadiutorem, sive in posterum Archiepiscopum filiorum reverentia prosequantur, atque mandata tua faciant, ut eos addecet. Tu autem id curabis, ut hac Litterac Nostrae iisdem omnibus, clero scilicet atque populo, perlegantur, die festo, in cathedrali templo. Ceterum, dilecte fili, si veram gloriam quaeris, prima Tibi, praecipua, antiquissima sit divinae gloriae procurandae cura, cum nihil tarn in hominis honorem recidat, quam summi Numinis laus et ornamentum. Datum Romae, apud S. Petrum, die septimo mensis ianuarii, anno Domini millesimo nongentesimo septuagesimo altero, Pontificatus Nostri nono. ALOISIUS CARD. TRAGLIA S.R.E. Cancellarius FRANCISCO TINELLO JOSEPHUS ROSSI, EPIS. Apostolicam Cancellariam Regens PALMYREN Proton. Apost. F.xpedita die febr. a. Pontif. JOANNES CALLERI, Proton IX. M. Orsini Plumbator Apost. In Cane. Ap.tab.vol CXL n. 47