Maato kaha ang pasko? [editorial]

Media

Part of The Carolinian

Title
Maato kaha ang pasko? [editorial]
Creator
Rances, Rene M.
Language
Sinugboanon
Year
1960
Rights
In Copyright - Educational Use Permitted
Fulltext
&Jditoiqa.lL: SDNUGBOANON 4Waato ilaija ang iBasfco ? Ang kabugnaw ug katigmi sa bulan sa Disyembre maoy usa sa buhing timailhan sa Pasko—ang dakung pangilin nga pagasaulogon sa tibuok kristohanong lumulopyo. Ang tanan kono maglipay ug magmaya ning maong panahon. Ang tanan kono magsukliay sa maayong kabubut-on. Ang mga pagdumot ug kasina, ang gibungsod nga mga dautang hunahuna, ihiklin ug ilubong sa kalimot kay lagi Pasko—Adlaw sa pagkatawo sa atong Manunubos. Matud pa sa mga katigulangan, ang pagsaulog kono sa Pasko isikad sa labing matarung ug malinis ug nga dili inalisngawan sa mga kabubut-ong nag-aso sa mga panagbingkil-bingkil, bahad, panimalus ug uban pang mga ngil-ad nga laraw. Kay ang maong higayon gihimo agig pagdumdum o pagbanhaw sa pagkatawo sa atong Manunubos nga hubo kaayo niadtong gabiing mamingaw didto sa pasungan sa mga baka, ang pagsaulog kono niini hubiton gayud sa diwa nga labing balaanon ug langitnon. Sa laing pagkasulti, ang pagsaulog sa Pasko kinuha ug inambit gayud sa mga langitnong diwa ug katuyoan. Apan ning atong panahon karon nga kanunayng gihulga sa mga kasamok gumikan sa panagsukliay sa mga mainitong pulong sa mga dagkung lider, ning atong panahon nga nagalumba sa pagpamuhat ug mga hinagiban alang sa kapukanan kanatong tanan, mahimo kahang balaanon, malinis ug tinuod ang atong pagsaulog sa Pasko? Dinhi sa atong nasud nga nagalamoy sa kanunay ang kalisud ug kapit-os sa panginabuhi, sa mga palitonon nga hilabihang kamahal, sa kahugaw sa atong pamunoan gumikan sa pagwaldas-waldas sa salapi sa nanagdala sa atong kagamhanan kay nahubog sa ilang bugtong katuyoan sa pagpakadto, maato kaha ang lunsayng diwa sa Pasko? Ang tubag sa maong pangutana anaa da kanimo, kaniya ug kanako. Rene M. Rances Sa pagkatawo Sa iHaniuuibos ni: ELMO B. SITOY AYA ang kalibutan, ang katawhan, ang kinaiyahan. Ang tanan manag-awit hinubit ang kabus apan balaanong pagkatawo sa atong Manunubos. Nanagsayaw ang tanang kasingkasing, dinuyogan sa alimyon sa mga bulak, turning taghoy sa hangin, hawot nga honi sa kalanggaman. Sa kalimot gilubong ang panagbingkilay, mipatigbabaw ang kalinaw, gihugpong ang tanang pagbati — lunsay nga pagbati aron ihalad sa Diyosnong Bata sa CHRISTMAS, 1960