Ang tawo ug ang kinaiyahan [poem]

Title

Creator

Carpio, Erlindo L.

Language

Cebuano

Year

1961

Rights

In Copyright - Educational Use Permitted

Fulltext

ni BOY ESPINA Kon akong panan-aw silaw pa unta sa adlaw, Tunawon kong mga tumbaga ug mga puthaw, Gunawon kong mga bato nga naggatan-aw, Aron kuliton ang lamatnon nimong bayhon. Kon akong gininhawa sa hangin sama pa, Huypon kong napunpon nga mga gabon sa bungtod, Himoon kong usa ka masalimbong nga panganod, Aron ipandong sa tuman mong kamadanihon. Kon akong mga ngabil sa kuldas pay motukbil, Mamingawng honi akong pagakabliton, Walay kamatayong saloma akong tugtugon, Aron ang tanan sa katahom nimo sumbongan. Kon unta may limbo pa lang nga mamahimo, Ang matawo sa daklit nga mga lunsayng damgo, Sa bisan asang dapita pagataakon ko, Aron gayod maak6 ka, O! maambong nga Musa! PaAagdi ni JOVEN MONDIGO Pasagdi akong mag-inusara pinangga Sa paglangoy ning bi-awan sa mga luha; Kay king kinabuhi ugod 'tawon kabus man Magpabiling yano hangtud sa kahangturan. Gisubay ko ang tunokong dalan sa pag-antos Aron pagkaplag sa gidamgo kong kaugmaon; Apan napakyas ug gidagit sa dakong unos Kay imo akong giyam-iran ug gikataw-an. Bisan pa'g lumsan sa baha sa luha king kalag Bisan pa'g watas-watason ako’s kagul-anan. Tuho-i nga ako kanimo walay kasilag Kay kining tanan pagbuot man sa kahitas-an. Pasagdi akong magpadayon sa pagbakho Pasagding i-anud ako sa kawala-an; Aron king kinabuhi sa dayon mabugto Kay alang kanako natun-as na ang tanan. ^Jawo ug ang ni ERLINDO L. CARPIO Taudtaud na nga misaop ang adlaw. Mibanos na 'sab ang tumang kangitngit. Hilum na ang kalibutan sa matam-isong katulogon. "Bangon na kamo!" ang Adlaw sa subangan misinggit. Sa unahan may nagbutaog nga bukid Naglagiti sa kainit, napagba sa adlaw Sa kalit nilandong sa ulan gihagit Apan gipadpad ni Hangin ang dag-um sa langit. Nituybo ang kasuba-an, lubog ang tubig, Di maisip mga kinabuhi gibanlas sa hunasan. Ang kanhing berdeng kaumahan sa kapatagan nawagtang Kay ni Buhawi buot gun-obon ang tanan. Wa'y kalainan ang tawo'g kinaiyahan, Karon kalipay'g katawa ugma panghayhay, Sa luha sa mga mata na lamang magpadaligdig Sanglit sa dughan may gihambing kagul-anan. Ang gahum malumpag, ang mga bahandi Mawagtang sama sa hanging lumalabay. Ang pagkatimawa tima-an sa bahandi nakawang Sa gubat sa pagpanlimbasog wa moguwang mananaug. Daw nahisulat na sa tagsa-tagsang kapalaran Kay ni Bathala gimbut-an ang tanan, Apan di takos ang paglaum pagbiya-an Luyo sa maitum panganud nagasiga ang adlaw. Mga Hin wat 11a lang nga madaandaan aron kadtong mga badlongon dili makapatuyang sa paghakot sa niga kara-ang balita ngadto sa ilang tagsatagsa ka talad aron biyaan na usab didto, kay dili naman ganahang mobasa sa mga balita nga nahimong “kagahapon pa lang”. Dili ba mao?_________ KADAGHANAN sa mga estudyanteng himultahan sa ilang hinulamang libro nga wala ikauli dayon, nagbagolbol, kay kono nagsangkiig sila sa multa nga gipapas-an nila ni Manong Asubar ug Manang Palomar. Apan dili kini sala nila ni Manong ug Manang kay igo man lang silang nagtunian sa ilang katungdanan. Busa aron dili na magsangkiig sa pag9 da wan • . . (Continued / niahay ang mga himultahan ingon man kadtong wala pa makasulay, amo silang awhagon sa dili pagtan-ug sa maong mga libro lapas sa panahon nga gigahin kay agupupan sa multa. NIADTONG miaging tuig ang "Glee Club” sa San Carlos, nagpakita ug masaarong kalampusan, ilabi na sa panahon sa pasko, kay hapit tanang dapit ug kasuokan sa dakbayan sa Sugbo, gidalitan niini sa mga mahinalangpong awit sa pasko. Apan bisan pa niini, ang maong "Glee Club” nabungkag sama sa putyokan nga gipuhag sa tungang gabii nga walay nasayud sa hinungdan kay wala man magkasinabtanay ang tagpreccding page) tungod. Apan karon nahibalik sa maayong baruganan ang maong “Glee Club” ug hinaut pa unta nga wala nay wilga. AMONG hipanid-an nga sa sulod niining tulunghaan, adunay mga kiriwan ug kamot, kay dili pa dugay kaming nakamatikod nga usa sa among mga higalang babaye, naghilak nga nagtaho sa makauulawng balita ngadto sa “registrar”, Ginoong Jose Arias, nga ang inyang kapin sa kawhaan ka pesos nga salapi, gikawat sa sulod sa P.E. Room, samtang nali; ngaw siyag dula sa atbang dili layo sa maong lawak. Mahimo kaha nga usa sa iyang kauban sa P.E. ang kawatan? SEPTEMBER-OCTOBER, 1961 Page 19

Media